Dienstag, 30. Oktober 2012

JUHU es esch fertig!! Es get no einiges zverbessere, aber für serste isch es toll. Bi de gspannt ufs Gsecht vom Geburicheng!

Samstag, 27. Oktober 2012

Do mer scho wieder Bsuech usem Dütsche hei, bin weder nur sehr sälte a de Maschine. Do aber de Gross am Donnstig 8i werd, hani a d Seck müesse. Schliesslech chöme alli mini Ching das Joor es Geburi-Shirt über.
Hüt hani mini 1. Appli gmacht:
 Und nochem Znacht hani fang mol s Shirt ohni Ärmel zäme gnäieht, Morn geits wiiter!

Mittwoch, 17. Oktober 2012

Im louf vo dere Wuche hani no mine Chüssi uf de Couche e neui Hülle verpasst und die förs Gästezemmer ändli ou fertig gmach:



Geste u höt Zobe si es Hösli met Beanie u es Sabberlätzli zum Wände entstande, aus Geburi-Gschänkli för es Gspänli vo mim Jüngste.


Samstag, 6. Oktober 2012

Geburigschänk

Hüt hani für es Geburiwichtle s Gschänkli gnäieht, mir gfallts super i hoffe die Beschänkti heg de ou Freud dranne!

Min Jupe

Am Wocheänd nach minnere Näiehwuche isch min Jupe fertig worde:

Näiehferie

Vom Donnstig 06. Septämber bis Mittwuch 12. Septämber bin i bi mim Mami i de Näiehwuch gsi.
Entstande isch folgendes:
Body und Kuschelhösli für de Jüngst!

Es Faserpelzmänteli für mis Prinzässli!

Nomol es Body für de Jüngst!


Und e Jeans für de Grösst

Miteme Jupe zuegschnitte für mich, emene Pulli SM für de Grösst, emene Röckli und Blüsli SM fürs Prinzässli im Gepäck bin i wieder hei!